Божхона органлари фаолиятига доир асосий кўрсаткичлар ва статистик маълумотлар билан ушб сахифада танишинг!
  • Ўзбекистоннинг экспорт салоҳияти Ўзбекистоннинг экспорт салоҳияти
  • Ўзбекистон: тараққиёт босқичлари ва муҳим воқеалар Ўзбекистон: тараққиёт босқичлари ва муҳим воқеалар

“Ўзбекистон Республикаси ҳудудига олиб киришда импорт божхона божи ва қўшилган қиймат солиғидан озод қилинадиган технологик жиҳозлар рўйхати” (рўйхат рақами 2436, 2013 йил 20 март)га киритилган товарларга Ўзбекистон Республикаси Божхона кодексининг 297–моддасига асосан импорт божхона божи ва Солиқ кодексининг 211 моддасига мувофиқ қўшилган қиймат солиғидан озод қилинади.

Импорт божхона божи ва қўшилган қиймат солиғи тўлови бўйича имтиёзлар ушбу Рўйхатга ТИФ ТН кодлари киритилган янги технологик ускуналарга қўлланилади ҳамда бутловчи ва эҳтиёт қисмларга, агарда улар контрактга (шартномага) мувофиқ технологик жиҳозлар билан бирга ажралмас қисми сифатида етказиб берилган тақдирда татбиқ қилинади.

Янги технологик ускуна деганда — “эркин муомалага чиқариш” божхона режимида божхона расмийлаштируви вақтида, унинг ишлаб чиқарилган йили 3 йилдан кўп бўлмаган технологик ускуна тушунилади.

Олиб келинадиган технологик жиҳозларнинг ишлаб чиқарилган йилини тасдиқлаш учун “эркин муомалага чиқариш” божхона режимига божхона расмийлаштируви пайтида олиб киритилаётган технологик жиҳознинг ишлаб чиқарилган йилини тасдиқловчи ишлаб чиқарувчи заводнинг техник паспорти ёки жиҳозларни улар томонидан ишлаб чиқарилганлиги, жумладан ишлаб чиқарилган йили тўғрисидаги тегишли маълумотларни ўз ичига олган ишлаб чиқарувчининг ҳужжати тақдим этилади.

Экспорт қилувчи мамлакатнинг экспорт божхона юк декларацияси ёки унинг ўрнини босадиган ҳужжат тақдим этилган тақдирда Ўзбекистон Республикаси ҳудудига олиб киришда импорт божхона божидан ва қўшилган қиймат солиғидан озод қилинадиган технологик асбоб-ускуналар рўйхатига (рўйхат рақами 2436, 2013 йил 20 март) киритилган товарларнинг божхонада расмийлаштируви давлат божхона хизмати органлари томонидан бир иш куни мобайнида амалга оширилади. Божхона декларацияси тақдим этилмаган тақдирда божхона расмийлаштируви умумий белгиланган тартибда амалга оширилади.

Шунингдек, Ўзбекистон Республикаси Президентининг 2016 йил 4 февралдаги “Замонавий технологияларни жорий этиш асосида тўқимачилик корхоналарини техник ва технологик жиҳатдан қайта жиҳозлашга доир қўшимча чора-тадбирлар тўғрисида” ПҚ-2485-сон қарорига мувофиқ, божхона органларига 2016 йил 1 мартидан бошлаб 8445, 8446, 8447 ТИФ ТН кодли, олиб келинадиган текстиль асбоб-ускуналар Вазирлар Маҳкамаси ҳузуридаги Агентликнинг замонавий технологик талаблар ва жаҳон нархлари даражасига жавоб бериши юзасидан ижобий хулосалари олинмаган ҳолларда “эркин муомалага чиқариш” божхона режимига расмийлаштириш тақиқланган.

Юқоридагилардан келиб чиқиб, мазкур тикув ускуналарига Агентлик томонидан 2016 йил 4 февралдаги ПҚ-2485-сон қарор асосида ижобий хулоса тақдим этилганда, белгиланган тартибда божхона назорати ва расмийлаштируви амалга оширилишини маълум қиламиз.

Норматив-ҳуқуқий ҳужжатлар билан Ўзбекистон Республикаси Қонун ҳужжатлари маълумотлари миллий базаси www.lex.uz интернет сайти орқали танишишингиз мумкин.

Божхона органлари хизматига Ўзбекистон Республикаси Президентининг 2006 йил 9 мартдаги ПҚ-302-сонли қарори билан тасдиқланган “Божхона органлари хизматига қабул қилиш ва хизматни ўташ тўғрисидаги Низом” талаблари асосида, 18 ёшга тўлган, 30 ёшдан ошмаган, асосан олий юридик ёки иқтисодий маълумотга эга Ўзбекистон Республикаси фуқаролари қабул қилинади.

Олий ҳарбий божхона институти божхона органлари учун божхона иши ва юриспурденция мутахассисликлари бўйича кадрлар тайёрловчи таянч олий ўқув юрти бўлиб, божхона органларидаги бўш лавозимлар уни ҳар йили битириб келаётган битирувчилар ҳисобига жамланмоқда.

Шунингдек, бўш лавозим мавжуд бўлганда божхона органлари хизматига кириш учун номзод сифатида кадрлар заҳирасига олинган, Низом талаблари асосида ўрганиб чиқилган фуқаролар қабул қилиниши мумкин.

Сизда божхона органларига кириш истаги бўлса ўзингиз доимий руйхатда турган вилоят ҳудудида жойлашган божхона бошқармасининг Кадрлар бўлимига мурожаат қилишингиз мумкин. 

Ўзбекистон Республикаси Божхона кодексининг 296-моддасида, ушбу Кодексга, бошқа қонунларга, шунингдек Ўзбекистон Республикаси Президентининг қарорларига биноан юридик ва жисмоний шахсларга тариф имтиёзлари, қўшилган қиймат солиғини, акциз солиғини ва божхона йиғимларини тўлаш бўйича имтиёзлар, тариф преференциялари берилиши мумкинлиги белгиланган.

“Соғлиқни сақлаш тизимини ислоҳ қилишни янада чуқурлаштириш ва уни ривожлантириш давлат дастурини амалга оширишнинг асосий йўналишлари тўғрисида”ги Ўзбекистон Республикаси Президентининг 2007 йил 19 сентябрдаги ПФ-3923-сон Фармонининг 8-бандига кўра, Вазирлар Маҳкамаси томонидан тасдиқланадиган рўйхат бўйича олиб келинадиган янги тиббий жиҳозлар, бутловчи буюмлар, эҳтиёт қисмлар ва тиббиёт ускуналарининг сарфланадиган материаллари 2018 йилнинг 1 январигача бўлган муддатда божхона тўловлари (божхона расмийлаштируви йиғимларидан ташқари) тўлашдан озод қилинган.

Ушбу Фармонга асосан Ўзбекистон Республикаси Вазирлар Маҳкамасининг 2013 йил 31 декабрдаги 356-сон Қарори билан “Четдан олиб киришда божхона тўловларидан (божхонада расмийлаштириш йиғимларидан ташқари) озод қилинадиган янги тиббий асбоб-ускуналар, тиббий асбоб-ускуналарга бутловчи буюмлар, эҳтиёт қисмлар ва сарфлаш материаллари рўйхати” тасдиқланган, бўлиб рўйхатнинг 18-бандида стоматология креслолари кўрсатилган.

Мурожаатингизда кўрсатилган сартарошхона креслолари учун амалдаги қонун ҳужжатларда божхона тўловларидан имтиёзлар белгиланмаганлиги сабабли, Божхона кодексининг 294-моддасига асосан товар божхона тўловларини тўлаш назарда тутилган божхона режимига жойлаштирилганда божхона тўловларини тўлаш бўйича мажбурият юзага келади.

Божхона Кодексининг 289-моддасида Ўзбекистон Республикасига товар ва транспорт воситаларини импорт қилишда:

Ўзбекистон Республикаси Президентининг “Ташқи иқтисодий фаолиятни тартибга солиш борасидаги қўшимча чора-тадбирлар тўғрисида”ги 2009 йил 5 августдаги ПҚ-1169-сон қарори билан белгиланган ставкалар асосида импорт божхона божи;

Ўзбекистон Республикаси Президентининг “Ўзбекистон Республикасининг 2015 йилги асосий макроиқтисодий кўрсаткичлари прогнози ва давлат бюджети параметрлари тўғрисида”ги 2015 йил
22 декабрдаги ПҚ-2455-сон қарори билан белгиланган ставкаларга мувофиқ акциз ва қўшилган қиймат солиғи;

Ўзбекистон Республикаси Вазирлар Мақкамасининг “Божхона йиғимлари ставкалари тўғрисида”ги 1999 йил 30 апрелдаги 204-сон қарорига биноан божхона расмийлаштируви учун йиғимлари ундирилиши белгиланган.

Шу билан бирга, Божхона Кодексининг 300-моддасига мувофиқ, бож тарифи билан белгиланган ставкалар миқдоридаги божхона божлари Ўзбекистон Республикаси савдо-иқтисодий муносабатларда энг кўп қулайлик бериш режимини қўллаётган мамлакатларда (рўйхат рақами 426, 08.04.1998й.) ишлаб чиқарилган товарларга нисбатан, товарни жўнатувчи ва экспорт қилувчи мамлакатдан қатъи назар қўлланилади.

Божхона Кодексининг 363-моддасида товарнинг муайян мамлакатда ишлаб чиқарилганлиги товарнинг келиб чиқиши тўғрисидаги сертификат билан тасдиқланиши белгиланган.

Шунингдек, товарнинг келиб чиқиши тўғрисидаги сертификат товарнинг муайян мамлакатда ишлаб чиқарилганлигини тасдиқлайдиган, экспорт ёки реэкспорт қилувчи мамлакатда белгиланган тартиб ва шаклга мувофиқ ваколатли орган томонидан берилган, шу жумладан электрон шаклда берилган ҳужжатдир.

Савдо-иқтисодий муносабатларда энг кўп қулайлик бериш режими назарда тутилмаган мамлакатларда ишлаб чиқарилган ёхуд ишлаб чиқарилган мамлакати аниқланмаган товарларга нисбатан божхона божларининг ставкалари икки баравар оширилади.

Божхона кодексининг 301-моддасида божхона ҳудудига олиб кириладиган товарнинг божхона қиймати товарнинг божхона қийматини аниқлаш усулларидан бири орқали аниқланадиган ва божхона тўловларини ҳисоблаш мақсадида фойдаланиладиган товар қиймати эканлиги белгилаб қўйилган.

Божхона кодексининг 318-моддаси, ҳамда Ўзбекистон Республикаси ҳудудига олиб келинадиган товарларнинг божхона қийматини белгилаш бўйича Йўриқномага (рўйхат рақами №390, 1998 йил 13 январь) асосан, товарнинг божхона қиймати божхона қиймати декларациясини тўлдирган ҳолда товарларни декларациялашда декларант ёки божхона брокери томонидан божхона органига маълум қилинади.

Шунингдек, Ўзбекистон Республикаси Вазирлар Маҳкамасининг 2015 йил 20 июлдаги “Экспорт-импорт операцияларини амалга оширишда давлат божхона хизмати органларига тақдим этиладиган ҳужжатлар рўйхатини тасдиқлаш тўғрисида”ги 197-сон қарорида «Эркин муомалага чиқариш (импорт)» божхона режимида олиб кириладиган товарларни божхонада расмийлаштиришда:

1. Божхона юк декларацияси, қонун ҳужжатларида белгиланган тартибда йўловчи божхона декларациясини тўлдириш йўли билан товарларни декларациялаш ҳоллари бундан мустасно.

2. Вазирлар Маҳкамасининг 2013 йил 22 майдаги 139-сон қарори билан тасдиқланган Тадбиркорлик субъектлари — импортёрлар томонидан Ўзбекистон Республикасининг божхона ҳудудига бож тўловлари бўйича имтиёзлар қўлланган ҳолда олиб кириладиган товарларнинг божхона қийматини тасдиқлаш тартиби тўғрисидаги низомга мувофиқ тадбиркорлик субъектлари — импортёрлар томонидан Ўзбекистон Республикасининг божхона ҳудудига бож тўловлари бўйича имтиёзлар қўлланган ҳолда олиб кириладиган импорт қилинадиган товарларнинг божхона қийматини тасдиқлаш учун экспорт божхона юк декларацияси ёки унинг ўрнини босадиган ҳужжат ва бошқа ҳужжатлар.

3. Транспорт ҳужжатлари (транспорт турига қараб юк хати) ва товарга илова қилинадиган ҳужжатлар (инвойс).

4. Товарларнинг келиб чиқиши сертификати (манфаатдор шахснинг хоҳиши бўйича ва унинг зарурлиги Ўзбекистон Республикасининг халқаро шартномаларида назарда тутилган ҳолларда).

5. Тўқимачилик асбоб-ускуналарининг асосий турларини (ТИФ ТН бўйича кодлари 8445, 8446, 8447) етказиб беришга шартномалар (контрактлар) бўйича уларнинг замонавий технологик талабларга ва жаҳон нархлари даражасига мувофиқлиги юзасидан Ўзбекистон Республикаси Вазирлар Маҳкамаси ҳузуридаги Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлигининг хулосаси тақдим этилиши кўрсатиб ўтилган.

Юқорида қайд этилган норматив-қуқуқий хужжатларни www.lex.uz сайтидан олишингиз мумкин.

Ўзбекистон Республикаси Божхона кодексининг 296-моддасида, ушбу Кодексга, бошқа қонунларга, шунингдек Ўзбекистон Республикаси Президентининг қарорларига биноан юридик ва жисмоний шахсларга тариф имтиёзлари, қўшилган қиймат солиғини, акциз солиғини ва божхона йиғимларини тўлаш бўйича имтиёзлар, тариф преференциялари берилиши мумкинлиги белгиланган.

Мурожаатингизда кўрсатилган “кунгабоқар ёғи” учун амалдаги қонун ҳужжатларда божхона тўловларидан имтиёзлар белгиланмаганлиги сабабли, Божхона кодексининг 294-моддасига асосан товар божхона тўловларини тўлаш назарда тутилган божхона режимига жойлаштирилганда божхона тўловларини тўлаш бўйича мажбурият юзага келади.

Шу билан бирга,Ўзбекистон Республикаси Божхона кодексининг 
289-моддасига асосан Ўзбекистон Республикасига товарларни импорт қилишда:

Ўзбекистон Республикаси Президентининг “Ташқи иқтисодий фаолиятни тартибга солиш борасидаги қўшимча чора-тадбирлар тўғрисида” 2009 йил 5 августдаги ПҚ-1169-сон қарорига асосан импорт божхона божи;

Маълумот учун: Ўзбекистон Республикаси Божхона кодексининг 
300-моддасига асосан эркин савдо режими ўрнатилган давлатларга мансуб бўлган ва улардан олиб кириладиган товарлар божхона божи ундирилишдан озод этилган.

“Эркин савдо тартибини назарда тутувчи битимлар имзоланган эркин савдо зонасини ташкил этиш тўғрисидаги битим иштироклари бўлган давлатлар” рўйхати (рўйхат рақами 429, 1998 йил 8 апрель)га кирувчи давлатларда ишлаб чиқарилган товар ва автотранспорт воситаларига товарнинг мамлакат келиб чиқиш сертификати тақдим этилган тақдирда божхона божи ундирилишидан озод этилади;

“Энг қулай савдо-сотиқ тартибини яратган ҳолда савдо-иқтисодий ҳамкорлик тўғрисидаги битимлар имзоланган мамлакатлар” Рўйхати (рўйхат рақами 426, 1998 йил 8 апрель)га кирувчи давлатларда ишлаб чиқарилган товар ва автотранспорт воситаларига товарнинг мамлакат келиб чиқиш сертификати тақдим этилган тақдирда божхона божи бир баровар миқдорида ундирилади;

Қолган холатларда божхона божи ставкаси икки баровар миқдорда ундирилади.

Ўзбекистон Республикаси Президентининг “Ўзбекистон Республикасининг 2015 йилги асосий макроиқтисодий кўрсаткичлари прогнози ва давлат бюджети параметрлари тўғрисида” 2015 йил 
22 декабрдаги ПҚ-2455-сон қарорига мувофиқ акциз ва қўшилган қиймат солиғи;

Ўзбекистон Республикаси Вазирлар Маҳкамасининг “Божхона йиғимлари ставкалари тўғрисида” 1999 йил 30 апрелдаги 204-сон қарорига биноан божхона расмийлаштируви учун божхона йиғими (божхона қийматининг 0,2 фоизи, бироқ камида 25 АҚШ доллари ва 3000 АҚШ долларидан ортиқ бўлмаган миқдорда) ундирилади.

Ўзбекистон Республикаси Божхона кодексининг 292-моддасига асосан бож тарифи божхона чегараси орқали олиб ўтиладиган Ўзбекистон Республикаси Ташқи иқтисодий фаолиятининг товар номенклатурасига мувофиқ тизимлаштирилган товарларга нисбатан қўлланиладиган божхона божлари ставкаларининг жамланмаси эканлиги белгиланган.

Мурожатингизда кўрсатилган, ТИФ ТНнинг 1512 товар позицияси билан таснифланадиган “кунгабоқар ёғи” учун юқорида қайд этилган норматив хужжатлари билан божхона қийматидан 5% лекин товарнинг 1 кг.ми учун 0,05 АҚШ долларидан кам бўлмаган миқдорда божхона божи, божхона қийматидан 20% лекин товарнинг 1 литри учун 0,32 АҚШ долларидан кам бўлмаган миқдорда акциз солиғм, 20% миқдорида қўшилган қиймат солиғи ҳамда божхона қийматидан 0,2%, бироқ камида 25 АҚШ доллари 
ва 3000 АҚШ долларидан ортиқ бўлмаган миқдорда божхона расмийлаштируви учун йиғими ставкалари белгиланган.

Шунингдек, Божхона кодексининг 301-моддасида божхона ҳудудига олиб кириладиган товарнинг божхона қиймати товарнинг божхона қийматини аниқлаш усулларидан бири орқали аниқланадиган ва божхона тўловларини ҳисоблаш мақсадида фойдаланиладиган товар қиймати эканлиги белгилаб қўйилган.

Божхона кодексининг 318-моддаси, ҳамда Ўзбекистон Республикаси ҳудудига олиб келинадиган товарларнинг божхона қийматини белгилаш бўйича Йўриқномага (рўйхат рақами №390, 1998 йил 13 январь) асосан, товарнинг божхона қиймати товарларни декларациялашда декларант ёки божхона брокери томонидан божхона органига маълум қилинади.

Юқоридагилардан келиб чиқиб, “эркин муомалага чиқариш” божхона режимига расмийлаштириш учун керакли бўлган хужжатлар тақдим этилган тақдирда, якуний божхона тўловларини ҳисоблаб чиқариш учун божхона расмийлаштируви амалга ошириладиган ҳудудий божхона бошқармасининг ташқи иқтисодий фаолият божхона постига мурожат қилиниши мақсадга мувофиқдир. 

Чегарадош давлатлардан шахсий фойдаланиш учун умумий эквивалент қиймати 10 АҚШ долларидан кўп бўлмаган товарларни  божсиз олиб киришга рухсат этилади.
Ўзбекистон Республикаси ҳудудига кириб келаётган шахсларга қонун ҳужжатларига кўра божсиз олиб кириш меъёрларидан ҳамда акциз солиғига тортилмайдиган меъёрлардан ортиқ олиб кириладиган товарларга белгиланган ставкалар бўйича божхона тўловлари ундирилади. 
Божхона кодексининг 66-моддасига мувофиқ, “даврий божхона тўловлари вақтинча олиб кирилган товар олиб чиқилган ёхуд бошқа божхона режимларига жойлаштирилган тақдирда қайтарилмайди;
ушбу товарларни эркин муомалага чиқариш (импорт) божхона режимига жойлаштиришда тўланиши лозим бўлган божхона тўловлари суммаси ҳисобига ўтказилади.”
Ўзбекистон Республикаси Божхона кодекси билан ушбу ерда танишиш мумкин. 

Ўзбекистон Республикасининг "Ўсимликлар карантини тўғрисида"ги қонуни 12-моддасига мувофиқ республикадан чет мамлакатларга олиб чиқилаётган уруғлар, кўчатлар, ўсимликлар, ўсимлик касалликларининг штаммлари (турлари), бошқа биологик объектлар ва ўсимлик маҳсулотлари ўсимликлар карантини ва муҳофазаси бўйича халқаро битимларда, шунингдек савдо шартномаларида (контрактларида) назарда тутилган шартларга жавоб бериши, Ўзбекистон Республикасидан олиб чиқилмайдиган биологик объектлар Рўйхатига кирмаган бўлиши лозим. 
Экспорт қилинаётган уруғларнинг, ўсимликларнинг ва ўсимлик маҳсулотларининг ҳар бир туркуми белгиланган нусхадаги фитосанитария сертификати билан бирга жўнатилиши керак. 
Уруғларни, ўсимликларни ва ўсимлик маҳсулотларини экспорт қилиш билан шуғулланувчи ташкилотлар ана шу маҳсулотларни мамлакатдан ташқарига жўнатиш мўлжалланаётган санадан камида ўттиз кун олдин тегишли вилоят, туман ўсимликлар карантини бўйича давлат хизмати органларини хабардор этишлари, улар билан биргаликда маҳсулотларни жўнатиш учун мақбул жойни аниқлашлари, жўнатишга ўн беш кун қолганда эса экспорт қилинаётган маҳсулотни текшириб кўриш учун тақдим қилишлари шарт.

Согласно статье 8 Соглашения о партнерстве и сотрудничестве между Республикой Узбекистан и Европейскими сообществами и их государствами-членами от 21 июня 1996 г. стороны предоставляют друг другу режим наибольшего благоприятствования во всех областях в отношении таможенных пошлин и сборов на импорт и экспорт, включая метод взимания таких пошлин и сборов. Также статьей 
92 определено, что для целей настоящего Соглашения термин “Стороны” означает Республику Узбекистан, с одной стороны, и Сообщество, или его Государства-члены, или Сообщество и его Государства-члены, согласно их соответствующим полномочиям, с другой стороны.

Кроме того, согласно статье 358 Таможенного кодекса Республики Узбекистан (далее - ТК) страной происхождения товара может считаться группа стран, таможенные союзы стран, регион или часть страны, если имеется необходимость их выделения для целей определения происхождения товара.

то применяются правила международного договора.

Исходя из вышеизложенного, в случае указания в сертификате происхождения товаров страной происхождения «Европейское Сообщество» или страны его члены, то в отношении указанных товаров должен предоставляться режим наибольшего благоприятствования в соответствии с Соглашением о партнерстве и сотрудничестве между Республикой Узбекистан и Европейскими сообществами и их государствами-членами от 21 июня 1996 г.

Правила оказания услуг почтовой связи, зарегистрированные Министерством юстиции Республики Узбекистан №2219 от 18.04.2011г. (далее – Правила), регулируют отношения между операторами, провайдерами почтовой связи, оказывающими услуги почтовой связи, и пользователями этих услуг и определяют порядок оказания услуг почтовой связи, права и обязанности операторов, провайдеров почтовой связи и пользователей.

Пунктом 168 Правил установлено, что пользователи имеют право на доступ к информации о своих правах и обязанностях, о настоящих Правилах, об оказываемых услугах и тарифах на них.

В обязанности пользователя (пункт 177 Правил) входит соблюдение настоящих Правил.

В обязанности провайдера (пункт 181 Правил) входят:

предоставление пользователям информации об условиях и порядке оказания услуг почтовой связи, а также об изменении тарифов на услуги почтовой связи;

возмещение пользователям убытков, причиненные в связи с неоказанием или ненадлежащим оказанием услуг почтовой связи, а также компенсирование причиненного им морального вреда в соответствии с законодательством.

Приложением №5 к Правилам утверждены предельные размеры и вес международных курьерских отправлений (в части посылок), которые составляют: 10 кг. для отправлений с делимым вложением, 15 кг. – с неделимым вложением и 31,5 кг ускоренной почты.

В этой связи, в случае превышения, т.е. не соблюдения установленных законодательством предельных размеров и веса курьерских отправлений, такие отправления рассматриваются как поступающие из-за пределов Республики Узбекистан в адрес физических лиц иным способом,чем международные курьерские отправления.

Соответственно, предельные нормы беспошлинного ввоза товаров физическими лицами на территорию Республики Узбекистан, зарегистрированные Министерством юстиции №279-2 от 21.04.2015г., не распространяются на данные отправления, и по ним уплачиваются таможенные платежи в размерах установленных законодательством.

Ўзбекистон Республикаси Президентининг 2008 йил 21 февралдаги “Хорижий инвестициялар иштирокида "Женерал Моторс Ўзбекистон" корхонасини барпо этиш тўғрисида”ги ПҚ-800-сон қарорининг 8-банди 3-хатбошига асосан "Женерал Моторс Ўзбекистон" ЁАЖ, "Ўзавтосаноат" АК, шунингдек 1-иловага мувофиқ рўйхат бўйича "Женерал Моторс Ўзбекистон" ЁАЖ автомобилларини ишлаб чиқаришда ишлатиладиган бутловчи буюмлар, материаллар ва технологик жиҳозлар ишлаб чиқарувчи бошқа корхоналар томонидан олиб келинадиган маҳсулотлар божхона тўловлари (божхона расмийлаштируви йиғимларидан ташқари) тўлашдан 5 йил муддатга озод этилган.

Шу билан бирга, мазкур банднинг 7-хатбошисида "Женерал Моторс Ўзбекистон" ЁАЖ жадвал бўйича янги моделдаги автомобиллар ишлаб чиқаришни ўзлаштирган пайтдан бошлаб ушбу қарор билан жорий этилган имтиёзлар уларнинг амал қилиш муддати 2017 йилнинг 31 декабрида тугаши билан яна беш йиллик муддатга узайтирилиши белгиланган.

Ушбу қарор 1-иловасининг 1-3 бандларида божхона тўловларидан озод этиладиган, "Ўзавтосаноат" АК, "Женерал Моторс Ўзбекистон" ЁАЖ ва автомобилларни ишлаб чиқаришда ишлатиладиган бутловчи буюмлар, материаллар ва технологик жиҳозлар ишлаб чиқарувчи бошқа корхоналар томонидан олиб келинадиган товарлар номлари келтирилган.

Юқоридагиларни инобатга олиб, бутловчи буюмлар, материаллар ва технологик жиҳозларни ишлаб чиқарувчи корхоналар томонидан ўзи ишлаб чиқарилган тайёр маҳсулотларни “GM Ўзбекистон” ЁАЖ корхоналаридан ташқари бошқа хўжалик юритувчи субъектларга сотган тақдирда, божхона тўловларидан имтиёзлар қўлланилмайди.

Ўзбекистон Республикаси Президентининг 2008 йил 21 февралдаги 
ПҚ-800-сон қарорида автомобилларни ишлаб чиқаришда ишлатиладиган бутловчи буюмлар, материаллар ва технологик жиҳозлар ишлаб чиқарувчи бошқа корхоналар томонидан ўзи ишлаб чиқарилган маҳсулотларини сотиши бўйича чекловлар ўрнатилмаган.

Бунда, агар ишлаб чиқарувчи корхоналар ўзи ишлаб чиқарилган маҳсулотларини “GM Uzbekistan” ЁАЖдан ташқари бошқа корхоналарга, шунингдек автомобилсозликка алоқадор бўлмаган улгуржи савдо ва чакана савдо фаолияти билан шуғулланувчи МЧЖ ёки хусусий корхоналарга сотишини маълум қилса, мазкур корхонага Ўзбекистон Республикаси Президентининг 2008 йил 21 февралдаги ПҚ-800-сон қарори билан белгиланган божхона тўловларидан имтиёзлар тадбиқ этилмайди.

Ишлаб чиқарувчи корхоналар томонидан олиб келинган товарларга божхона тўловларидан имтиёзлар қўлланилган ҳолда божхона расмийлаштируви амалга оширилгандан кейин ўзи ишлаб чиқарилган маҳсулотларини “GM Uzbekistan” ЁАЖдан ташқари бошқа корхоналарга сотган тақдирда божхона тўловларидан аввал қўлланилган имтиёзлар бекор қилиниб, божхона тўловлари белгиланган тартибда ундирилади.

Ўзбекистон Республикаси Президентининг 2008 йил 21 февралдаги “ПҚ-800-сон қарори талабларига асосан божхона тўловларидан имтиёзлар “Женерал Моторс Ўзбекистон” ЁАЖ автомобилларини ишлаб чиқариш учун ишлатиладиган бутловчи буюмлар, материаллар ва технологик жиҳозлар ишлаб чиқарувчи бошқа корхоналар томонидан олиб келинадиган автомобиллар ва бутловчи буюмларни ишлаб чиқариш учун асбоб-ускуналар ҳамда уларнинг эҳтиёт қисмларига, анжомларга, технологик жиҳозларга, двигателларга, трансмиссияларга, материалларга, узелларга, техник хужжатларга, саноат компьютерларига, периферия қурилмалари ва дастурий таъминот воситаларига қўлланилади.

Шунингдек, Божхона кодексининг 22-моддасига асосан божхона тўловларини тўлаш бўйича имтиёзлар берилганлиги муносабати билан фойдаланилиши ва тасарруф этилиши кўрсатиб ўтилган шартли чиқариб юборилган товарлардан фақат божхона тўловларини тўлаш бўйича имтиёзлар бериш шартларига мувофиқ бўлган мақсадда фойдаланилиши мумкин. Мазкур товарлардан улар нима мақсадда шартли чиқарилган бўлса, фақат ўша мақсадда фойдаланилиши лозим. Божхона тўловлари бўйича берилган имтиёзлар тўланган тақдирда шартли чиқариб юборилган товарлардан бошқа мақсадларда фойдаланишга йўл қўйилади.

Божхона кодекснинг 296-моддасига мувофиқ, божхона тўловларини тўлаш бўйича имтиёзлар ва тариф преференцияларини ушбу Кодексга, бошқа қонунларга, шунингдек Ўзбекистон Республикаси Президентининг қарорларига биноан юридик ва жисмоний шахсларга тариф имтиёзлари, қўшилган қиймат солиғини, акциз солиғини ва божхона йиғимларини тўлаш бўйича имтиёзлар, тариф преференциялари берилиши мумкин.

Божхона божини тўлашдан озод этиш тарзида тариф имтиёзлари берилиши Божхона кодексининг 297-моддасида назарда тутилган ҳолларда йўл қўйилади.

Ўзбекистон Республикаси Солиқ кодексининг 211-моддасига асосан, товарларни импорт қилишда қўшилган қиймат солиғидан ҳамда ушбу Кодекснинг 230-моддасининг 6-бандига мувофиқ, акциз солиғидан озод қилиниши тартиби белгиланган.

Шу билан биргаликда, www.customs.uz интернет сайти орқали божхона имтиёзлари бўйича маълумотлар базасидан божхона тўловларидан имтиёзлар тўғрисида қўшимча равишда маълумот олишингиз мумкинлигини маълум қиламиз.

Тадбиркорлар ва ТИФ иштирокчилари
учун доимий ишонч телефони

(8 371) 120-76-33

ИШОНЧ ТЕЛЕФОНЛАРИ

ҲУДУДИЙ
БОШҚАРМАЛАР

Медиатека

Барча видеолар

Фойдали сайтлар