Orphus tizimi

Боғланиш

Кўриб чиқилган мурожаатлар бўйича статистик маълумотлар

Давлат божхона қўмитасига 2017 йилнинг 11 ойи давомида жисмоний ва юридик шахслардан келган мурожаатлар бўйича амалга оширилган ишлар тўғрисида

М А Ъ Л У М О Т Н О М А

Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонуни, амалдаги норматив-ҳуқуқий хужжатлар талаблари ижроси бўйича давлат божхона хизмати органларида бир қатор амалий ва ташкилий тадбирлар амалга оширилмоқда.

Жумладан, Давлат божхона қўмитасида ўтказилаётган Ҳайъат ва ҳудудий божхона бошқармаларидаги кенгаш йиғилишларида жисмоний ва юридик шахсларнинг мурожаатлари билан ишлаш аҳволи кун тартибига киритилиб, амалга оширилган ишлар таҳлил қилиниб, йўл қўйилаётган камчиликлар кўриб чиқилмоқда.

Ўзбекистон Республикаси Президентининг виртуал қабулхонаси орқали давлат божхона хизмати органларига жисмоний ва юридик шахслар томонидан келиб тушаётган мурожаатларнинг ижроси сўзсиз бажарилишини таъминлаш ва йўл қўйилаётган камчиликларни ўз вақтида бартараф этиш юзасидан амалга оширилган ишлар танқидий муҳокама қилиниб келинмоқда.

Бундан ташқари, ДБҚ марказий аппарати ҳамда ҳудудий бошқармаларда жисмоний ва юридик шахсларнинг мурожаатларини ўз вақтида кўриб чиқиш, қонуний ҳал этиш, уларга асосланган жавоб хатларини юбориш, шу билан бирга чуқур таҳлил қилиш, ариза ва шикоятларни келиб чиқиш сабабларини ўрганиш (айниқса такрорий мурожаатларни), уларнинг олдини олиш ва келгусида такрорланмаслигини таъминлаш бўйича зарур тадбирлар кўрилмоқда.

Жорий йил мобайнида ДБҚга жисмоний ва юридик шахслардан жами 3293 та (жисмоний шахслар 2076 та, юридик шахслар 1217 та) мурожаатлар келган.

Шунингдек, Жорий йилнинг 1 январдан 30 ноябрь кунига қадар Ўзбекистон Республикаси Президенти Виртуал қабулхонаси орқали жами ДБҚга 481 та, электрон мурожаатлар 598 та, 956 та ёзма ҳамда 1258 та оғзаки мурожаатлар (шахсий қабул, сайёр қабул, масъул ходимлар қабули ва ишонч телефон) келиб тушди.

Жами келиб тушган мурожаатлар таҳлили шуни кўрсатадики, божхона ходимларинниг ноқонуний ҳаракатлари бўйича 166 та, хизматдан ноқонуний бўшатилганлиги ва хизматга қайта тиклаш тўғрисида 919 та, божхона назоратини ўтказиш ва расмийлаштирув тўғрисида 1008 та, божхона тўловларидан озод қилиш ва имтиёзлар тўғрисида 503 та, олиб қўйилган товар-моддий бойликлари ёки жарималарни қайтариш тўғрисида 158 та ва бошқа масалалар бўйича 666 та.

Давлат божхона қўмитаси Раиси ва унинг ўринбосарлари томонидан 405 та жисмоний шахслар ва юридик шахсларнинг вакиллари қабул қилинди.

Шунингдек, Жисмоний ва юридик шахслар мурожаатлари билан ишлашни сифат жиҳатдан яхшилаш мақсадида Давлат божхона қўмитаси веб сайтидан ташкил этилган “Виртуал қабулхона” орқали жорий йилнинг ўтган даврида 162 та мурожат келиб тушган.

Давлат божхона қўмитаси марказий аппарати ва ҳудудий бошқармаларида мурожаатларни кўриб чиқиш борасида амалга оширилаётган ишлар мунтазам равишда таҳлил қилиниб, уларни амалдаги қонунчилик талабларига мувофиқ кўриб чиқилиши доимий назорат қилинмоқда.


2397

Тадбиркорлар ва ТИФ иштирокчилари
учун доимий ишонч телефони

(8 371) 120-76-33

ИШОНЧ ТЕЛЕФОНЛАРИ

ҲУДУДИЙ
БОШҚАРМАЛАР