Orphus tizimi

Савол-жавоблар

Ўзбекистон Республикаси Адлия вазирлигида 2007 йил 20 сентябрда 1717-сон билан рўйхатга олинган “Давлат ва божхона ташқи савдо статистикаси маълумотларини йиғиш ва қайта ишлаш услубияти тўғрисидаги Низом”нинг 9-бандига асосан ташқи савдо бўйича якуний жамланма маълумотларни шакллантириш, уларни нашр қилиш ва фойдаланувчиларга зарур кесимларда тақдим этиш Давлат статистика қўмитаси томонидан ўрнатилган тартибда амалга оширилади.
Ўзбекистон Республикасининг “Ахборот эркинлиги принциплари ва кафолатлари тўғрисида”ги Қонуни 13 моддасига кўра жисмоний шахсларга тааллуқли шахсий маълумотлар махфий ахборот тоифасига киради. Жисмоний шахснинг розилигисиз унинг шахсий ҳаётига тааллуқли ахборотни, худди шунингдек шахсий ҳаётига тааллуқли сирини, ёзишмалар, телефондаги сўзлашувлар, почта, телеграф ва бошқа мулоқот сирларини бузувчи ахборотни тўплашга, сақлашга, қайта ишлашга, тарқатишга ва ундан фойдаланишга йўл қўйилмайди, қонун ҳужжатларида белгиланган ҳоллар бундан мустасно. Шунингдек, Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонуни 19 моддасига кўра мурожаатларни кўриб чиқишда жисмоний шахсларнинг шахсий ҳаёти, юридик шахсларнинг фаолияти тўғрисидаги маълумотлар уларнинг розилигисиз, шунингдек давлат сирини ёхуд қонун билан қўриқланадиган бошқа сирни ташкил этувчи маълумотлар ва, агар бу жисмоний ва юридик шахсларнинг ҳуқуқлари, эркинликлари ҳамда қонуний манфаатларини камситадиган бўлса, бошқа ахборотнинг давлат органлари, ташкилотлар ходимлари ва улар мансабдор шахслари томонидан ошкор этилишига йўл қўйилмайди
Божхона брокери сифатида фаолиятни амалга оширишга рухсатнома олиш учун юридик шахс энг кам ойлик иш ҳақининг бир минг баравари миқдорида божхона тўловларини таъминлаши зарур бўлади.
Ўзбекистон Республикаси Божхона кодексининг 279-моддасига асосан, ариза, божхона брокери сифатида фаолиятни амалга оширишга рухсатнома олиш тўғрисидаги аризага Божхона кодексининг 47-бобига мувофиқ божхона тўловлари тўланиши таъминланганлигини тасдиқловчи ҳужжат.
Малака аттестатини олганидан ёки унинг амал қилиш муддати узайтирилганидан кейин икки ярим йил ўтгач, божхона расмийлаштируви бўйича мутахассисни ўқитганлик учун божхона йиғимларини тўлаган ҳолда.

Божхона расмийлаштируви бўйича мутахассис Ўзбекистон Республикаси Маъмурий жавобгарлик тўғрисидаги кодекснинг 2278 - 22710, 22717 - 22720 ва 22725-моддалари бўйича божхона ҳуқуқбузарликларини содир этгани муносабати билан бир йил ичида икки мартадан кўп маротаба жавобгарликка тортилганда.

Ўзбекистон Республикаси Вазирлар Маҳкамасининг 2016 йил 15 июндаги 207-сон қарорининг 1-Иловаси билан тасдиқланган “Янги ва қайта ишланган мева-сабзавот маҳсулотларини экспорт қилиш тартиби тўғрисида Низом”нинг 4-бўлими мева-сабзавот маҳсулотларини экспорт қилишда нарх белгилаш йўналишига бағишланган. Мазкур бўлимда:

“Экспорт контрактлари жаҳон бозорларидаги конъюнктура нархларидан келиб чиқиб Халқаро мева-сабзавот ярмаркасининг, доимий ишлайдиган мева-сабзавот майдончаларининг ярмарка савдолари якунлари бўйича шаклланадиган ўртача нархлар ҳисобга олинган ҳолда талаб ва таклиф асосида шаклланадиган бозор нархлари асосида тузилади.

“Ўзагроэкспорт” АЖ томонидан ҳар ҳафтада оммавий ахборот воситаларида ва ўзининг расмий веб-сайтида мева-сабзавот маҳсулотларига экспорт нархлар даражаси тўғрисида ахборот эълон қилинади.

Бунда экспорт контрактлари контракт тузилган кунда “Ўзагроэкспорт” АЖ томонидан эълон қилинган нархлардан паст бўлмаган нархлар бўйича тузилади.

Мева-сабзавот маҳсулотлари экспортининг божхона расмийлаштируви экспорт контрактларида кўрсатилган нархлар бўйича қонун ҳужжатларида белгиланган тартибда амалга оширилади.” 
Янги таҳрирдаги Ташқи савдо операцияларининг ягона электрон ахборот тизимида ташқи савдо шартнома маълумотларига киритилган ўзгартиришларни хўжалик юритувчи субъектларнинг юридик манзили жойлашган ҳудудий божхона бошқармаларининг Валюта назорати бўлими ёки гуруҳлари томонидан тасдиқлаш имконият яратиган.

Ўзбекистон Республикаси Божхона кодексининг 289-моддасига асосан, товарларни божхона чегараси орқали олиб ўтишда божхона божи, қўшилган қиймат солиғи, акциз солиғи ва божхона йиғимлари тўланади. Божхона божларининг ва солиқларнинг ставкалари Ўзбекистон Республикаси Президенти томонидан белгиланади. Бунда:

а) Ўзбекистон Республикаси Президентининг “Ташқи иқтисодий фаолиятни тартибга солиш борасидаги қўшимча чора-тадбирлар тўғрисида” 2009 йил 5 августдаги ПҚ-1169-сон қарорига асосан импорт божхона божи;

б) Ўзбекистон Республикаси Президентининг “Ўзбекистон Республикасининг 2017 йилги асосий макроиқтисодий кўрсаткичлари прогнози ва давлат бюджети параметрлари тўғрисида” 2016 йил 27 декабрдаги ПҚ-2699-сон қарорига мувофиқ акциз ва қўшилган қиймат солиғи;

в) Ўзбекистон Республикаси Вазирлар Маҳкамасининг “Божхона йиғимлари ставкалари тўғрисида” 1999 йил 30 апрелдаги 204-сон қарорига мувофиқ божхона йиғимлари ундирилади.

Шу билан бирга, Божхона кодексининг 300-моддасига мувофиқ, агарда ТИФ қатнашчиси товар ва транспорт воситаларини декларациялаш вақтида божхона органларига товарнинг келиб чиқиш сертификатини тақдим этганда, рўйҳатлар асосида:

“Эркин савдо тартибини назарда тутувчи битимлар имзоланган эркин савдо зонасини ташкил этиш тўғрисидаги битим иштироклари бўлган давлатлар” рўйхати (рўйхат рақами 429, 1998 йил 8 апрель)га кирувчи давлатларда ишлаб чиқарилган товар ва автотранспорт воситаларига товарнинг мамлакат келиб чиқиш сертификати тақдим этилган тақдирда божхона божи ундирилишидан озод этилади;

“Энг қулай савдо-сотиқ тартибини яратган ҳолда савдо-иқтисодий ҳамкорлик тўғрисидаги битимлар имзоланган мамлакатлар” Рўйхати (рўйхат рақами 429, 1998 йил 8 апрель)га кирувчи давлатларда ишлаб чиқарилган товар ва автотранспорт воситаларига товарнинг мамлакат келиб чиқиш сертификати тақдим этилган тақдирда божхона божи бир баровар миқдорида ундирилади;

Қолган холатларда божхона божи ставкаси икки баровар миқдорда ундирилади.

Ўзбекистон Республикаси ҳудудига импорт қилинадиган товарларга Ўзбекистон Республикаси Президентининг 2009 йил 5 августдаги “Ташқи иқтисодий фаолиятни тартибга солиш борасидаги қўшимча чора-тадбирлар тўғрисида”ги 1169-сонли қарорининг 1-иловасига мувофиқ импорт божхона божи ставкалари белгиланган.

Мазкур қарор билан ТИФ ТН коди 1901 10 000 0 бўлган товарларга қуйидаги импорт божхона божи белгиланган:

(Жадвал рус тилида тақдим этилмоқда)

ТН ВЭД код

Наименование позиции

Ставка пошлины

(в % от таможенной стоимости товара или в долларах США за ед. изм.)

1901 - 1905 (кроме 1901 10 000 0*, 1901 90 990 0* (только компоненты для производства детского питания))

Экстракт солодовый, готовые пищевые продукты из муки тонкого и грубого помола, крупы, крахмала или солодового экстракта, не содержащие какао, или содержащие менее 40 мас. % какао, в пересчете на полностью обезжиренную основу; макаронные изделия; тапиока и ее заменители; готовые пищевые продукты, хлеб, мучные кондитерские изделия, кроме:

30


Ўзбекистон Республикаси Президентининг 2009 йил 5 августдаги 
1169-сонли қарорининг 1-иловаси кўрсатилган изоҳга мувофиқ «*» - белгиси божхона божининг 0% ставкаси қўлланилиши тўғрисида кўрсатиб ўтилган.

Ушбу қарорнинг нормаларидан келиб чиқиб, ТИФ ТН коди 1901 10 000 0 бўлган товарларга нисбатан божхона божининг 
0% ставкаси қўлланилади.

Мазкур жавоб хати Сизни қаноатлантирмаган тақдирда, ўрнатилган тартибда юқори турувчи идораларга ёки суд органларига мурожаат қилиш хуқуқига эга эканлигингизни билдириб ўтамиз. 

Четдан олиб келинган маҳсулотларга божхона юк декларацияси тақдим этиб, расмийлаштирилгандан сўнг, маҳсулот юк ҳужжати ва қадоқдаги миқдоридан ошиқча чиққани аниқланганда, агар қонун бузилиши ҳолати мавжуд бўлса, божхона қонунчилиги бузилиши бўйича тегишли ҳужжатлар расмийлаштирилади.

Ҳолат бўйича суднинг тегишли қарори чиққандан сўнг, унга кўра товар тақдири ҳал этилади.

Шунингдек, Божхона кодексининг 32-моддасига биноан, реэкспорт божхона режими шундай режимки, бунда божхона ҳудудига илгари олиб кирилган товар ёхуд божхона ҳудудида қайта ишлаш божхона режимига жойлаштирилган товарни қайта ишлаш маҳсулоти божхона ҳудудидан божхона божлари ва солиқлар тўланмаган, товарга нисбатан иқтисодий сиёсат чоралари қўлланилмаган ҳолда, Божхона кодекснинг 35-моддасида назарда тутилган ҳолларда эса, уни олиб киришда тўланган божхона божлари ва солиқлар суммалари қайтарилган ҳолда олиб чиқилади.

Товарни реэкспорт божхона режимига жойлаштириш божхона органи томонидан Божхона кодекси 21-бобининг қоидаларига мувофиқ бериладиган рухсатнома асосида амалга оширилади.

Божхона ҳудудида қайта ишлаш божхона режимида турган товарларни реэкспорт қилиш товарни реэкспорт божхона режимига жойлаштиришга рухсатнома олинмаган ҳолда амалга оширилади.

Реэкспорт божхона режимига жойлаштирилган товарларни божхона ҳудудидан амалда олиб чиқиш божхона декларацияси қабул қилинган кундан эътиборан олти ойдан кечиктирмай амалга оширилади.

Шу билан бирга, Божхона кодексининг 33-моддасига кўра, товар ёки уни қайта ишлаш маҳсулоти божхона органи идентификация қила оладиган тақдирдагина 
товар реэкспорт қилинишига йўл қўйилади, бундан Божхона кодекси 
74-моддасининг учинчи қисмида назарда тутилган ҳоллар мустасно.

Авария ёки енгиб бўлмас куч таъсири оқибатида шикастланган ёки бузилган товарнинг реэкспортига йўл қўйилади, бундай ҳолат ваколатли орган томонидан тасдиқланган бўлиши лозим.

контракт (шартнома, келишув) шартлари бажарилмаган бўлса;

товар божхона ҳудудида ишлатилмаган ва таъмирланмаган бўлса, бундан товарни қайтаришга сабаб бўлган нуқсонларни ёки бошқа ҳолатларни аниқлаш учун товардан фойдаланиш зарур бўлган ҳоллар мустасно;

товар ўзгармаган ҳолатда турган бўлса, бундан унинг нуқсонлари аниқланган ҳоллар мустасно.

Шунингдек, Божхона кодексининг 132-моддасига биноан, товарни реэкспорт божхона режимига жойлаштириш божхона органи томонидан берилган тегишли рухсатнома асосида амалга оширилади.

Божхона кодексининг 133-моддасига кўра товарни божхона режимларига жойлаштиришга рухсатнома олиш учун зарур бўладиган ҳужжатлар рўйхати келтириб ўтилган. Унга кўра товарни божхона режимига жойлаштиришга рухсатнома олиш учун ваколатли шахс товар қайси божхона органи фаолият кўрсатиш зонасида турган бўлса, ўша божхона органига рухсатнома бериш тўғрисидаги ариза билан мурожаат қилади. Бунда илгари эркин муомалага чиқариш (импорт) божхона режимига жойлаштирилган товарга нисбатан тегишли ваколатли органлар томонидан берилган, товарнинг қайтарилишига сабаб бўлган нуқсонлар ва бошқа ҳолатлар аниқланганлигини тасдиқловчи ҳужжатлар аризага илова қилинган ҳолда ушбу ҳужжатлар тақдим этилади.

Товарни ушбу божхона режимига жойлаштиришга рухсатнома олиш учун ваколатли шахсдан, юқорида келтириб ўтилган 133-модданинг биринчи қисмида кўрсатилмаган бошқа ҳужжатлар тақдим этилишини талаб қилишга йўл қўйилмайди.

Шу билан бирга, шуни маълум қиламизки, Сизнинг мурожаатингизда кўрсатилган холат бўйича тўлиқ маълумот тақдим этилган тақдирда, қўшимча равишда маълумот берилишини маълум қиламиз.

Ташқи иқтисодий фаолият товарлар номенклатурасининг II бўлим, 
06 гуруҳининг:

- 0602101000 подсубпозициясида “неукорененные черенки и отводки винограда (токнинг илдиз отмаган қаламчалари ва пархиш);

- 0602201000 подсубпозициясида “черенки винограда, привитые или укорененные (ток қаламчалари, пайвандланган ёки илдиз отгани);

- 0602209000 подсубпозициясида “прочие (юқорида қайд этилганларига кирмаганлари) таснифланган.

Хатда номи келтирилган узум кўчати (ток кўчати) Ўзбекистон Республикаси Адлия вазирлиги томонидан 2008 йил 31 январда 1764-рақам билан рўйхатга ўтказилган “Ўзбекистон Республикаси ҳудудини карантиндаги зараркунандалар, ўсимлик касалликлари ва бегона ўтлардан муҳофаза қилиш қоидалари тўғрисидаги Низом”га мувофиқ тасдиқланган “Ўзбекистон Республикасига олиб кириладиган ва унинг ташқарисига олиб чиқиладиган асосий карантин назоратидаги маҳсулотлар, юклар ва материаллар (товарлар) рўйхати”га киритилган.

Бунга кўра, ушбу товарни олиб чиқишда Ўзбекистон Республикаси Ўсимликлар карантини бош давлат инспекцияси томонидан тақдим этиладиган фитосанитар сертификати олинади.

Сиз жисмоний шахслар томонидан автотранспорт воситаларини Ўзбекистон Республикасига олиб кириш тартиби ҳақида сайтимиздаги мана бу саҳифаадан батафсил билиб олишингиз мумкин - http://customs.uz/uz/events/control/61/

Ўзбекистон Республикаси Вазирлар Маҳкамасининг 2005 йил 9 августдаги 189-сон қарори билан тасдиқланган “Ўзбекистон Республикасининг хўжалик юритувчи субъектлари томонидан хорижий мамлакатлардаги улар ташкил этган савдо уйлари, ваколатхоналар, корхоналар орқали, шунингдек Ўзбекистон Республикаси Савдо-саноат палатасининг хорижий мамлакатлардаги савдо-инвестиция уйлари орқали олиб чиқилаётган товарларни божхонада расмийлаштириш тартиби тўғрисида Низом”нинг 7-бандига мувофиқ, экспортчининг илгари амалга оширилган экспортга етказиб беришлар бўйича тўлов муддати ўтган дебиторлик қарзи мавжуд бўлганда ёки сотилмаган товар қонунчиликда белгиланган муддатларда қайтариб олиб келинмаганда божхона органлари кейинги экспорт-консигнация шартномалари бўйича товарларнинг четга олиб чиқилишини рад этишга ҳақли эканлиги, консигнация шартларида кейинги экспортга етказиб беришлар фақат ушбу қарз тўлангандан кейин амалга оширилиши мумкинлиги белгиланган.

Экспорт-консигнация шартномалари бўйича тушум тушиши ёки товарларни қайта олиб кириш Ўзбекистон Республикаси Вазирлар Маҳкамасининг 2000 йил 29 июндаги “Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида”ги 245-сон қарорига мувофиқ, товарлар божхонада расмийлаштирилган кундан бошлаб 180 кун ичида таъминланиши лозим.

Юқорида келтириб ўтилган Низомнинг 5-бандида, чет элдаги корхона номига олиб чиқилган ҳамда ташиш ва сақлаш жараёнида ёхуд экспортчига ва чет элдаги корхонага боғлиқ бўлмаган сабабларга кўра яроқсиз бўлиб қолган товарлар юзасидан ваколатли органнинг тегишли экспертиза далолатномаси ва/ёки товарлар турган мамлакат божхона органининг божхона назорати остида уларнинг йўқ қилинганлиги тўғрисидаги тасдиқномаси тақдим этилиши мумкинлиги, кўрсатиб ўтилган ҳужжатлар божхона органида экспорт-консигнация шартномасини ҳисобдан чиқариш учун асос ҳисобланиши, бунда экспортчига нисбатан молиявий санкциялар қўлланилмаслиги белгиланган.

Юқоридагилардан келиб чиқиб, товарларни россия рубли валютасида тузилган экспорт-консигнация шартномаси (ёки қўшимча келишув) асосида экспорт қилиниши амалдаги қонунчилик талабларига мувофиқ йўл қўйилишини, бироқ шартнома ижросида муддати ўтган дебиторлик қарз мавжуд бўлса, кейинги товарлар экспорти ушбу қарз бартараф этилгандан ёки товарлар қайта олиб кирилгандан ёҳуд божхона органига ваколатли органнинг экспертиза далолатномаси ва/ёки товарлар турган мамлакат божхона органининг божхона назорати остида уларнинг йўқ қилинганлиги тўғрисидаги тасдиқномаси тақдим этилгандан сўнг белгиланган тартибда амалга оширилиши мумкинлигини маълум қиламиз.

Ўзбекистан Республикаси Адлия Вазирлиги томонидан 1996 йил 10 сентябрь куни 279-сон билан рўйхатга олинган Ўзбекистан Республикаси ҳудудига жисмоний шахслар томонидан товарларни божсиз олиб кириш нормаларига асосан жисмоний шахслар томонидан божхона тўловларини тўламасдан ўз эхтиёжлари учун чегарадош бўлмаган давлатлардан 1000 АҚШ долларидан ошиқ бўлмаган товарларни, чегарадош давлатлардан умумий миқдори 10 АҚШ долларидан ошиқ бўлмаган миқдордаги товарларни олиб киришлари мумкин.

Ушбу меъёрлар жисмоний шахслар томонидан Ўзбекистон Республикасининг божхона чегараси орқали олиб ўтиладиган ва ишлаб чиқариш ёки бошка тижорат фаолияти учун мўлжалланмаган товарларга нисбатан қўлланилади.

Ушбу нормадан ошиб кетган тақдирда божхона тўловлари бож тўламасдан олиб кириш меъёридан ошадиган божхона қиймати қисмидан тўланади.

Товарларни олиб ўтаётган шахс улар рўйхатини, миқдори ва қийматини кўрсатади. Ўзбекистон Республикаси Адлия вазирлигида 05.08.2014й. 2606-сон билан рўйхатга олинган “Йўловчи божхона декларациясини тўлдириш ва расмийлаштириш тартиби тўғрисидаги йўриқномани тасдиқлаш ҳакида”ти қарорига асосан Йўловчи божхона декларациясида улар ишлаб чиқариш ёки бошқа тижорат фаолияти учун мўлжалланмаганлигини тасдиқлайди.

Ўзбекистан Республикасининг божхона чегараси орқали жисмоний шахслар томонидан олиб ўтиладиган товарларнинг мақсадини аниқлаш тартиби тўғрисидаги низомга (Ўзбекистон Республикаси Адлия вазирлигида 2002 йил 4 июнда 1147-сон билан рўйхатдан ўтказилган қарори билан тасдикланган) кўра уларнинг мақсадини божхона органининг мансабдор шахси товарларнинг хусусияти. миқдори ва тез-тез олиб ўтилишини. шунингдек жисмоний шахс сафарининг барча ҳолатларини ҳисобга олган ҳолда белгилайди.

Ўзбекистон Республикаси Вазирлар Махкамасининг 20.07.2015 даги 197-сон қарори билан “Экспорт-импорт операцияларини амалга оширишда давлат божхона хизмати органларига тақдим этиладиган ҳужжатлар рўйхати" тасдиқланган.

Ушбу рўйхатда «Эркин муомалага чикариш (импорт)» божхона режимида олиб кириладиган товарларни божхонада расмийлаштиришда тақдим этилиши лозим бўлган қуйидаги ҳужжатлар рўйхати белгилаб берилган.

1. Божхона юк декларацияси, конун хужжатларида белгиланган тартибда йўловчи божхона декларациясини тўлдириш йўли билан товарларни декларациялаш ҳоллари бундан мустасно.

2. Вазирлар Махкамасининг 2013 йил 22 майдаги 139-сон карори билан тасдикланган Тадбиркорлик субъектлари - импортёрлар томонидан Ўзбекистон Республикасининг божхона ҳудудига бож тўловлари бўйича имтиёзлар қўлланган холда олиб кириладиган товарларнинг божхона қийматини тасдиқлаш тартиби тўғрисидаги низомга мувофик тадбиркорлик субъектлари - импортёрлар томонидан Ўзбекистон Республикасининг божхона ҳудудига бож тўловлари бўйича имтиёзлар қўлланган ҳолда олиб кириладиган импорт килинадиган товарларнинг божхона қийматини тасдиқлаш учун экспорт божхона юк декларацияси ёки унинг ўрнини босадиган ҳужжат ва бошка ҳужжатлар.

3. Транспорт ҳужжатлари (транспорт турига караб юкхати) ва товарга илова килинадиган ҳужжатлар (инвойс).

4. Товарларнинг келиб чиқиши сертификати (манфаатдор шахснинг хоҳиши бўйича ва унинг зарурлиги Ўзбекистан Республикасининг халкаро шартномаларида назарда тутилган ҳолларда).

Ўзбекистон Республикаси Ташки иктисодий фаолият товарлар номенклатурасининг 1005 10 субпозициясида "уруғлик маккажўхори” номига мос келувчи товарлар классификацияланади.

Ушбу мурожаатда гибрид (дурагай) маккажўхори уруғи тўғрисида сўралган бўлиб, ТИФ ТНда дурагай маккажўхори уруғлари қуйидагича подсубпозицияларга бўлинган:

1005101 100 — қўшалок дурагайлар ва топкросс дурагайлар

1005101300 — учламчи дурагайлар

1005101500 — оддий дурагайлар

1005101900 — бошқалар

Мурожаатда товарнинг Ўзбекистон Республикаси Ташки иктисодий фаолият товарлар номенклатураси бўйича классификациялаш учун маълумотлар етарли бўлмаган ҳолда, яъни маккажўхори уруғлари қандай дурагай навига мансублиги тўғрисида маълумот тақдим этилмасдан товар умумий ном билан кўрсатилганлиги сабабли товарнинг классификацияланиши бўйича аник ТИФ ТН код белгилаш имкони мавжуд эмаслигини билдирамиз.

Қўшимча равишда шуни маълум киламизки, Республика худудига чет мамлакатлардан кириб келиши мумкин бўлган карантиндаги ва бошка хавфли зараркунандалардан, ўсимлик касалликлари ва бегона ўтлардан мухофаза этиш максадида 2008 йилнинг 31 январида “Ўзбекистон Республикасига олиб кириладиган ва унинг ташкарисига олиб чикиладиган асосий карантин назоратидаги махсулотлар. юклар ва материаллар (товарлар) руйхати” (Ўзбекистон Республикаси Адлия вазирлиги томонидан 1764-сон билан давлат руйхатидан утказилган) тасдикланган.

Ушбу низомнинг 8-бандига асосан чет мамлакатлардан республикага карантин назоратидаги материалларни олиб киришга Инспекция томонидан берилган импорт карантин рухсатномаси хамда экспорт килаётган мамлакатнинг усимликлар карантини ва мухофазаси буйича давлат органлари берадиган фитосанитар сертификата ёки гувохномаси булган такдирдагина йул куйилади. Усимликлар карантини ва мухофазаси буйича давлат органлари булмаган чет мамлакатдан карантин назоратидаги материалларни республикага олиб киришга Инспекция томонидан хар бир партияга алохида холда бериладиган импорт карантин рухсатномаси булган такдирда йул куйилади.

Шунингдек, Ташки иктисодий фаолият Товарлар номенклатурасида (кейинги уринларда ТИФ ТН) 1001 - 1008 коди билан белгиланган (1008 30 000 0 дан ташкари) товарлар:

- Ўзбекистон Республикаси Вазирлар Махкамасининг 28.04.2011 даги “Сертификатлаштириш тартиботларини ва сифат менежменти тизимларини жорий этишни такомиллаштиришга доир қўшимча чора-тадбирлар туғрисида” 122-сонли Карори билан тасдиқланган “Мажбурий тартибда сертификатланадиган. Ўзбекистон Республикаси ҳудудида ишлаб чикариладиган ва унга олиб кириладиган маҳсулотлар турлари руйхати”га;

- Ўзбекистон Республикаси Вазирлар Махкамасининг “Ташки савдо операцияларини амалга ошириш билан боғлик тартиботларни либераллаштиришга доир қўшимча чора-тадбирлар тўғрисида”ги 379-сонли Қарорига асосан гигиеник сертификация килинадиган (санитария-эпидемиологик хулоса бериладиган) товарлар руйхатига киритилган.

Ўзбекистон Республикаси Адлия вазирлигида 2000 йил 26 февралда 901-сон билан руйхатга олинган “Мажбурий равишда сертификатланиши лозим булган товарларни (махсулотларни) Ўзбекистон Республикаси худудига олиб кириш ва унинг худудидан олиб чикиш тугрисида’ги йурикноманинг 3.10. бандида, жисмоний шахсларга, божхона киймати божхона солитига тортилмайдиган чегаравий меъёрдан ошмайдиган товарлар Ўзбекистон Республикаси худудига нотижорат максадларда олиб кирилса мувофиклик сертйфикати такдим килмасдан товарларни чикаришга рухсат берилиши кайд этилган.

Товарларнинг божхона туловлари хисобланишида мазкур товарларнинг киймати (олиб келинаётган нархи), ТИФ ТН коди, келиб чикиш мамлакати, етказиб бериш шарти аник курсатилган булиши лозим.

Узбекистон Республикаси Божхона кодексининг 103-моддасига асосан, товар ва транспорт воситаларини божхона чегараси оркали олиб утишда куйидаги божхона тўловлари туланади:

- импорт божхона божи - Ўзбекистон Республикаси Президентининг “Ташки иктисодий фаолиятни тартибга солиш борасидаги кушимча чора- тадбирлар тугрисида” 2009 йил 5 августдаги ПК-1169-сон карори билан белгиланган ставкаларда;

- акциз ва кушилган киймат солиги - Ўзбекистон Республикаси Президентининг “Ўзбекистон Республикасининг 2016 йилги асосий макроиктисодий курсаткичлари прогнози ва давлат бюджети параметрлари тугрисида” 2015 йил 22 декабрдаги ПҚ-2455-сон карори билан белгиланган ставкаларда;

- божхона йигимлари - Ўзбекистон Республикаси Вазирлар Махкамасининг “Божхона йигимлари ставкалари тугрисида” 1999 йил 30 апрелдаги 204-сон карори билан белгиланган ставкаларда.


Тадбиркорлар ва ТИФ иштирокчилари
учун доимий ишонч телефони

(8 371) 120-76-33

ИШОНЧ ТЕЛЕФОНЛАРИ

ҲУДУДИЙ
БОШҚАРМАЛАР