Тадбиркорлар ва ТИФ
иштирокчилари учун доимий
ишонч телефони
11-08
“Нексия”га яширилган 283 миллион сўмлик уяли телефонлар фош этилди
367
Божхона ходимлари уяли телефонларнинг ноқонуний айланмасига ўз вақтида чек қўйишмоқда.
 “Нексия”га яширилган 283 миллион сўмлик уяли телефонлар  фош этилди

Фарғона вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан Марғилон шаҳрида ўтказилган тезкор тадбир давомида шу каби ҳуқуқбузарлик ҳолати аниқланди.

Тадбир давомида, “Водил-Фарғона-Марғилон” йўналишида ҳаракатланаётган фуқаро М.Х бошқарувидаги “Нексия-2” русумли автомашина Марғилон шаҳрида тўхтатилиб кўздан кечирилди.

Натижада автомашина юкхонасида муқаддам қўшни мамлакатдан олиб кирилган, хорижда ишлаб чиқарилган, тегишли ҳужжатлари бўлмаган, 9 турдаги 283 миллион сўмлик 262 дона уяли алоқа воситалари борлиги аниқланди.

Ҳозирда ушбу ҳолат юзасидан божхона текширувлари олиб борилмоқда.

11.06.2019

Эшитиш учун матнни белгиланг ва ушбу тугмани босинг