Тадбиркорлар ва ТИФ
иштирокчилари учун доимий
ишонч телефони
11-08
Қашқадарёликлар Сардобадаги офат оқибатларини бартараф этишда иштирок этмоқда
138
Хабарингиз бор, Сардоба сув омбори тўғони ўпирилиши натижасида Сирдарё вилоятининг Мирзаобод, Оқ олтин ва Сардоба туманларидаги аҳоли хонадонлари ва экин ер майдонларига, ижтимоий соҳа объектларига катта талафот етди.
Қашқадарёликлар Сардобадаги офат оқибатларини бартараф этишда иштирок этмоқда

Ушбу талафотдан жабр кўрганларга мамлакатимизнинг турли нуқталаридан ёрдамга борганлар кўп. Хусусан, Қашқадарё вилоятидан ҳам бир гуруҳ мутахассис ва қурилиш корхоналари офат оқибатларини бартараф этиш ишларида қатнашмоқда.

Айни кунда вилоятимиз вакилларидан иборат 50 та қурилиш ва хизмат кўрсатувчи корхоналар ва 829 нафар қурувчи, уста ва мутахасислар Оқолтин тумани “Шодлик” маҳалласидаги 135 та хонадан ва ижтимоий объектларнинг қурилиш ишларини бошлаб юборган.

Қашқадарё вилояти ҳокими бошчилигида 4 та сектор раҳбари, ҳуқуқни муҳофаза қилувчи идоралар қаторида вилоят божхона бошқармаси раҳбарлари ҳам ўзларига бириктирилган ҳудудда бўлишди.

Қурилиш-бунёдкорлик ишларида божхона идоралари ҳам бир сафда. Олдиндаги вазифа эса қурилиш ишларига ҳисса қўшиш, объектларни сифатли ҳамда белгиланган муддатда ўз эгаларига топширишдир.

Қашқадарё вилояти

божхона бошқармаси

Ахборот хизмати

19.05.2020

Эшитиш учун матнни белгиланг ва ушбу тугмани босинг