Тадбиркорлар ва ТИФ
иштирокчилари учун доимий
ишонч телефони
11-08
Коррупцияга қарши биргаликда курашамиз
439
Коррупция иқтисодиёт ривожи, чинакам қулай тадбиркорлик ва инвестиция муҳити учун энг асосий тўсиқлардан биридир. Таҳлилларга кўра, бу иллат жаҳон иқтисодиётига ҳар йили ўртача 2,6 триллион доллар зарар келтиради.

Мамлакатимизда ҳам айнан ушбу муаммодан халос бўлиш мақсадида жуда кўплаб чора тадбирлар амалга оширилиб келинмоқда. Бунинг натижасида эса дунёдаги коррупция даражасини ўрганувчи Transparency International халқаро ташкилоти индексида Ўзбекистон охирги уч йилда 12 поғонага кўтарилган.

Фуқароларда коррупцияга қарши кескин муносабатни янада шакллантириш ва жамиятда бу иллатни бутунлай йўқ қилиш мақсадида Жиззах вилояти божхона бошқармаси томонидан мунтазам равишда тизимли ишлар олиб борилмоқда. Бу эса ўз навбатида ходимлар ўртасида коррупциявий ҳолат юзага келмаслиги билан бирга уларда хизмат интизоми, ички тартиб ва одоб-аҳлоқ қоидаларига риоя қилиш даражаси ижобий томонга ўзгаришига ҳам сабаб бўлмоқда.

Шу ўринда, юртдошларимизга эслатиб ўтамиз! Агар сизда божхона соҳасига оид бирор бир муаммо, таклиф ёки мулоҳазалар юзага келса Ўзбекистон Республикаси Давлат божхона қўмитасининг 11-08 ҳамда Жиззах вилояти божхона бошқармасининг 72-223-28-39 рақамли ишонч телефонларига қўнғироқ қилишингиз мумкин.

 

Жиззах вилояти божхона бошқармаси

Ахборот хизмати

25.05.2020

Эшитиш учун матнни белгиланг ва ушбу тугмани босинг