Tadbirkorlar va TIF
ishtirokchilari uchun doimiy
ishonch telefoni
11-08
Namanganda oʻtkazilgan “futbol” musobaqasida bojxonachilar faol ishtirok etishdi
567
Mamlakatimizda jismoniy tarbiya va sportni ommalashtirish ijtimoiy siyosatning muhim yoʻnalishlaridan biri etib belgilangan. Chunki sport aholi salomatligini mustahkamlash, yosh avlodni sogʻlom va barkamol etib tarbiyalash orqali jamiyatda sogʻlom turmush tarzini qaror toptiradi.

Bugungi kunda bojxona organlarida xodimlarning jismoniy tayyorgarligiga, ularning kundalik faoliyatida belgilangan vazifalarni amalga oshirishi uchun nafaqat ruhan kuchli va chidamli, balki jismonan baquvvat va sogʻlom boʻlishlariga alohida ahamiyat qaratilmoqda.

Kuni kecha viloyat “Huquqni muhofaza qiluvchi organlar” shaxsiy tarkibidan tashkil topgan jamoalar oʻrtasida sportning “futbol” turi boʻyicha “Dinamo” jismoniy tarbiya va sport jamiyati Namangan viloyati Kengashi birinchiligi boʻlib oʻtdi.

Unda Namangan viloyati bojxona boshqarmasining shaxsiy tarkibidan tashkil topgan terma jamoasi ham munosib ishtirok etishdi.

Musobaqa ishtirokchilari 5 kun mobaynida oʻzaro bellashdilar. Musobaqa yakuniga koʻra Namangan viloyati bojxona boshqarmasi terma jamoa aʼzolari faxrli 3-oʻrinni qoʻlga kiritishdi.

Musobaqa yakunida gʻoliblarga diplom va qimmatbaho sovgʻalar topshirildi.

7.07.2021

Eshitish uchun matnni belgilang va ushbu tugmani bosing