Tadbirkorlar va TIF
ishtirokchilari uchun doimiy
ishonch telefoni
11-08
Bojxonachilar oʻrtasida sportning mini-futbol turi boʻyicha saralash musobaqalari davom etmoqda
633
Bojxona xodimlarining jismonan sogʻlom, maʼnan baquvvat boʻlishlari, ular orasida sogʻlom turmush tarzini keng targʻib etish, xizmatdan boʻsh vaqtlarini mazmunli oʻtkazishini taʼminlash maqsadida tizim xodimlari oʻrtasida muntazam ravishda sport musobaqalarining tashkillashtirilishi yoʻlga qoʻyilgan.
Bojxonachilar oʻrtasida sportning mini-futbol turi boʻyicha saralash musobaqalari davom etmoqda

Hozirda tizimda sportning mini-futbol turi boʻyicha mintaqalar boʻyicha saralash musobaqalari start olgan boʻlib, kecha Shimoli-Gʻarbiy mintaqasi doirasida Qoraqalpogʻiston Respublikasi bojxona boshqarmasi va Xorazm viloyati bojxona boshqarmasi xodimlaridan tashkil topgan jamoalar bellashuvi boʻlib oʻtdi.
Koʻtarinki va oʻzaro doʻstlik ruhida oʻtgan hamda qizgʻin baxs-munazaralarga boy boʻlgan mazkur musobaqada 6:1 hisobida Qoraqalpogʻiston Respublikasi bojxona boshqarmasi jamoasi gʻolib boʻlib, Toshkent shahrida boʻlib oʻtadigan kelgusi bosqichga yoʻllanmani qoʻlga kiritdi.
Uylaymizki, bojxonachilarimiz kelgusi oʻyinlarga ham yanada katta shijoat va qiziqish bilan tayyorgarlik koʻrib, oʻz ustida yanada koʻproq ishlashadi. Zero, tashkil etilayotgan musobaqalardan koʻzlangan asosiy maqsad ham tizim xodimlari oʻrtasida sogʻlom turmush tarzini shakllantirib, oʻzaro doʻstlik va sogʻlom raqobat muhitini taʼminlashga erishishdir.

13.09.2021

Eshitish uchun matnni belgilang va ushbu tugmani bosing