Мурожаатларини кўриб чиқиш, Ўзбекистон Республикасининг “Жисмоний ва юридик шахсларнинг мурожаатлари” тўғрисидаги Қонуни билан тартибга солинади.

        Мурожаат шакли оғзаки, ёзма ва электрон бўлиши мумкин.

        Мурожаатлар уларнинг шакли ва туридан қатъий назар бир хил аҳамиятга эга.

        Масалан;

         Ариза ҳуқуқларни, эркинликларни ва қонуний манфаатларни амалга оширишда ёрдам кўрсатиш тўғрисидаги илтимос баён этилган мурожаат; (кўриб чиқиш муддати давлат органига келиб тушган кундан бошлаб ўн беш кун, аммо қўшимча ўрганиш ёки текшириш талаб этилган тақдирда бир ойгача бўлган муддатда кўриб чиқилади)

       Шикоят бузулган ҳуқуқларни ва эркинликларни тиклаш ва қонуний манфаатларни химоя қилиш тўғрисидаги талаб баён этилган мурожаат; (кўриб чиқиш учун текшириш ўтказиш, қўшимча материалларни сўраб олиш ёки бошқа чора-тадбирлар амалга ошириш зарур бўлган ҳолларда уларни кўриб чиқиш муддатлари тегишли давлат органининг раҳбари томонидан истисно тариқасида бир ойгача узайтирилиши мумкин, бу ҳақда мурожаат этувчига хабар берилади)

        Таклиф давлат ва жамоат фаолиятини такомиллаштириш бўйича тавсияларни ўз ичига олади; (давлат органига ёки уларнинг мансабдор шахсларига келиб тушган кундан эътиборан бир ойгача бўлган муддатда кўриб чиқилади,  қўшимча ўрганиш талаб этилган таклифлар бундан мустасно бўлиб, бу ҳақда таклиф киритган жисмоний ёки юридик шахсга ўн кунлик муддатда ёзма шаклда хабар берилади)

        Келиб тушган мурожаат ваколат доирасидан ташқарида бўлган тақдирда, беш кунлик муддатдан кечиктирмасдан тегишли давлат органига юборилади ва бу ҳақида мурожат этувчига ёзма ёки электрон шаклда хабар берилади.

Ўзбекистон Республикаси Божхона кодексининг XI прим-1 бўлими

Ўзбекистон Республикасининг 2017 йил 11 сентябридаги “Жисмоний ва юридик шахсларнинг мурожаатлари” тўғрисидаги Қонуни