Божхона институти бакалавриатига номзодлар танлови Ўзбекистон Республикаси Вазирлар Маҳкамасининг 2019 йил 29 апрелдаги 365-сон қарори билан тасдиқланган “Ўзбекистон Республикаси Давлат божхона қўмитасининг Божхона институти бакалавриатига ва магистратурасига ўқишга қабул қилиш тартиби тўғрисида”ги Низом талаблари асосида амалга оширилади.

Низомга мувофиқ, институтга ўқишга қабул қилиш бўйича танлов қуйидаги уч босқичда ташкил этилади:

- дастлабки танлов (ДБҚнинг ҳудудий божхона бошқармаларида);

- махсус касбий танлов (Божхона институтида);

- тест синовлари (Давлат тест маркази томонидан).

Институт магистратурасига номзодлар танлови ҳам Ўзбекистон Республикаси Вазирлар Маҳкамасининг 2019 йил 29 апрелдаги 365-сон қарори билан тасдиқланган “Ўзбекистон Республикаси Давлат божхона қўмитасининг Божхона институти магистратурасига ўқишга қабул қилиш тартиби тўғрисида”ги Низом талаблари асосида амалга оширилади.

Низомга мувофиқ, институтга ўқишга қабул қилиш бўйича танлов қуйидаги икки босқичда ташкил этилади:

- дастлабки танлов (ДБҚнинг ҳудудий божхона бошқармаларида);

- махсус касбий танлов (Божхона институтида).