Божхона қўмитасига 2024 йил давомида жисмоний ва юридик шахслардан келган мурожаатлар бўйича амалга оширилган ишлар тўғрисида маълумот

Божхона қўмитаси марказий аппаратида Мурожаатлар билан ишлашда божхона органлари фаолиятини мувофиқлаштирувчи алоҳида таркибий тузилма ҳамда ҳудудий тузилмаларида ушбу йўналишга бириктирилган масъул раҳбар ходимлар қўмита буйруғи билан тасдиқланган.

Мурожаатлар билан ишлаш бўйича қўмита марказий аппаратидан тортиб, то божхона постларигача идоравий назорат остига олиниб, кунлик мониторинг юритиб борилган.

Шунингдек, қўмита буйруғига мувофиқ, халқ билан мулоқот қилиш, уларнинг мурожаатлари билан ишлаш–божхона органлари хизмат фаолиятининг асосий ҳал қилувчи устувор йўналиши ҳамда фаолиятни баҳолашнинг энг муҳим мезони (индикатор) сифатида белгиланган.

Барча божхона органлари, шу жумладан, энг олис чегара ҳудудларида қийин шароитларда фаолият юритаётган божхона постларида ҳам жисмоний ва юридик шахслар мурожаатлари билан ишлаш учун зарур шарт-шароитга эга замонавий талаблар асосида жиҳозланган алоҳида хоналар ташкил қилинган.

Божхона қўмитасига келиб тушган ҳар бир мурожаатлар “e-Hujjat” дастури орқали онлайн тарзда назорат қилиб келинмоқда.

Божхона қўмитаси марказий аппаратида Мурожаатлар билан ишлашда божхона органлари фаолиятини мувофиқлаштирувчи алоҳида таркибий тузилма ҳамда ҳудудий тузилмаларида ушбу йўналишга бириктирилган масъул раҳбар ходимлар қўмита буйруғи билан тасдиқланган.

2024 йил давомида жисмоний ва юридик шахслардан жами 1052 та  (313  таси (30%) электрон, 408  таси (38%) ёзма, 331  та (32%) оғзаки) мурожаатлар келиб тушди. Мурожаатларнинг 628 таси (60%) жисмоний шахсларга, 424 таси (40%) юридик шахсларга тегишли. Мурожаатлар мазмун жиҳатдан 342 таси (32%) божхона назорати  ва расмийлаштируви, 178  таси (17%) божхона органлари хизматига кириш, қайта тиклаш ва ротация қилиш, 174 таси (17%) божхона тўловларидан имтиёз ва префренциялар олиш, 65 таси (6%) ходимлар ноқонуний ҳатти-ҳаракатидан норози бўлиб, 31 таси (3%) мусодара товарини қайтиб олиш мақсадида, 262 таси (25%) бошқа масалаларни ташкил этди.

Мурожаатларнинг 770 таси (74%) қаноатлантирилди, 171 таси (17%) бўйича амалдаги қонун ҳужжатлари талаблари тушунтирилди, 37 таси (3%)  рад этилди, 61 таси (6%) тегишлилиги бўйича юборилди. Ҳисобот даврида Божхона қўмитаси раҳбарияти томонидан 54 марта шахсий ва 46 маротаба сайёр қабуллар ўтказилган бўлиб, уларда иштирок этган 1573 нафардан ортиқ фуқаро ва ТИФ иштирокчиларидан келиб тушган 176 та мурожаатларнинг 85 таси (48%) жойида ҳал этилди, 91 таси (52%) бўйича амалдаги қонунчилик талаблари тушунтирилди.   Шунингдек, мазкур масалалар қўмитанинг хизмат ҳамда Ҳайъат йиғилишларида танқидий муҳокама қилиниб, тегишли вазифа ва топшириқлар белгилаб берилмоқда.