Тадбиркорлар ва ТИФ
иштирокчилари учун доимий
ишонч телефони
11-08
Мурожаатлар доимо эътиборда
588
Ўзбекистон Республикасининг “Жисмоний ва юридик шахсларнинг мурожаатлари тўғрисида”ги Қонуни, Ўзбекистон Республикаси Вазирлар Маҳкамасининг 2016 йил 27 октябрдаги “Вазирлик ва идоралар, хўжалик бирлашмалари раҳбарлари, Қорақалпоғистон Республикаси вазирлар кенгаши раиси, вилоятлар, шаҳар ва туманлари ҳокимларининг “Жисмоний ва юридик шахсларнинг мурожаатлари тўғрисида”ги Ўзбекистон Республикаси Қонун талабларини сўзсиз бажариш юзасидан жавобгарлиги тўғрисида” 366-сон ва 2018 йил 7 майдаги “Давлат органлари ва давлат муассасаларида жисмоний ва юридик шахсларнинг мурожаатлари билан ишлаш тартиби тўғрисидаги Намунавий низомни тасдиқлаш ҳақида”ги 341-сон қарорлари талаблари асосида Cурхондарё вилояти божхона бошқармасига келиб тушаётган мурожаатлар ўз вақтида рўйхатга олиниб, қонунчилик талаблари асосида ижроси таъминланиб келинмоқда.

Қонунчилик талабларидан келиб чиқиб, мурожаатларда тез-тез кўтарилган масалалар бўйича ҳар ой якунида таҳлил қилиниб, бошқарма раҳбариятига маълумот киритиб борилмоқда ва кўриб чиқиш якунлари бўйича аниқланган камчиликлар бартараф этилмоқда.

Хусусан, 2021 йил январь-июнь ойлари давомида Сурхондарё вилояти божхона бошқармасига жисмоний ва юридик шахслардан жами 57 та мурожаатлар, шу жумладан 35 таси Ўзбекистон Республикаси Президентининг виртуал қабулхонасидан (PM.gov.uz), 7 таси Бош вазирнинг виртуал қабулхонасидан (business.gov.uz), 3 таси ҳуқуқни муҳофаза қилувчи органлардан, 3 таси ишонч телефони орқали, 8 та ёзма ва 1 та оғзаки мурожаатлар келиб тушган.

Мурожаатларнинг турлари (ариза, шикоят, таклиф) бўйича таҳлил қилинганда 7 та шикоят ва 50 та аризалар келиб тушган.

Сурхондарё вилояти божхона бошқармаси ва унинг соҳавий бўлимларига келиб тушаётган мурожаатларни қонуний ҳал этилганлик ҳолатлари доимий мониторинг қилиб борилмоқда.

Ушбу мурожаатлар бўйича мурожаат қилувчилар билан шахсан учрашиб, шунингдек, пандемия  шароитида карантин қоидаларига риоя қилган ҳолда тегишли тушунтиришлар берилиб, белгиланган тартибда жавоб хатлари юборилди.

Ўзбекистон Республикаси «Жисмоний ва юридик шахсларнинг мурожаатлари тўғрисида»ги Қонуни талабларини сўзсиз бажариш бўйича  мурожаатларни кўриб чиқиш борасида амалга оширилаётган ишлар доимий равишда таҳлил қилиниб, қонун талабларига мувофиқ кўриб чиқилиши кунлик назоратга олинган.

Таҳлиллардан кўриниб турибдики, келиб тушаётган мурожаатларнинг асосий қисми, яъни 19 таси ёки 33,3 фоизи тадбиркорлик субъектлари томонидан божхона тўловларидан имтиёз қўллаш сўраб йўлланган мурожаатлардир.

Шундан келиб чиқиб, божхона соҳасида тартибга солувчи қонун ҳужжатларга киритилаётган ўзгартириш ва қўшимчалар, янги қабул қилинаётган Қарор ва фармон талабларини фуқаролар ва тадбиркорга тушунтириш-тарғибот ишларини кучайтирилиб, божхона соҳасига доир мурожаатлар юзасидан исталган вақтда Давлат божхона қўмитасининг қисқа 11-08 ҳамда вилоят божхона бошқармасининг (76) 225 24-51 рақамли ишонч телефоларига мурожаат қилиш мумкинлигини эслатиб ўтамиз.

 

15.07.2021

Эшитиш учун матнни белгиланг ва ушбу тугмани босинг