Ota, qarang! Jajji qo‘llarim bilan,
Ekkan ko‘chatlarim unib qolibdi.
Qarang, chiqibdi-ya yashil o‘t-o‘lan,
Yuzlariga shudring ko‘rk ham solibdi.

Men ham ulg‘ayibman bola chog‘imdan,
Shirin lahzalardan, onlardan kechib.
O‘sha o‘ynab yurgan mo‘jaz bog‘imdan,
Sizga berar edim, olmalar terib.

Ona, qarang, bolalar uchirar varrak,
Qo‘llarida gullar borku rang-barang.
Men o‘sha kunlarni topmasam kerak,
Qancha urinmayin, qilmayin nayrang.

Qarang, qarang-a kapalak uchmoqda,
Axir shu emasmi mening quvganim?
Hali, hali hamon mendan qochmoqda,
Bola chog‘larimda yonib suyganim.

Qarang, mana o‘sha jajji suratim,
Eh! Attang, qaytolmam endi hech qachon.
Yig‘loqi bo‘lmasdim yetib jur’atim,
Menga berilganda yana bir imkon.

Ona, bugun ulg‘ayibman, bugun men,
Sizlarga suyanchiq bo‘lib qolibman…

MADRAHIM TEMIROV
Samarqand viloyati bojxona boshqarmasi
inspektori, bojxona xizmati katta leytenanti