Тошкент шаҳридаги Инҳа университети барқарор келажак учун рақамли ечимларни ривожлантиришга қаратилган энг йирик Green Tech Hackathon 2025 танловига мезбонлик қилди.

Тадбир IT Park Uzbekistan  ва Рақамли технологиялар вазирлиги билан ҳамкроликда ташкил қилинди. 

Сунъий интеллект, катта ҳажмдаги ахборотлар ва киберхавфсизлик каби замонавий йўналишларда стартап-лойиҳалар ишланмаларини рағбатлантириш ва ёш истеъдодларни кашф этиш мақсадида ташкил этилган танловда Тошкент шаҳридаги энг нуфузли Inha, Turin, Amity, Янги Ўзбекистон,  Тошкент ахборот технологиялари каби университетлар қаторида Божхона институти жамоаси ҳам  мувафаққиятли иштирок этди. 

38 та жамоа ичида ёш божхоначиларнинг "FEBA" жамоаси ўзларининг инновацион "ZeroWaste" лойиҳаси билан фахрли 2-ўринни қўлга киритишди!

Лойиҳа сунъий интеллект асосида озиқ-овқат чиқиндиларини камайтиришга мўлжалланган бўлиб, озиқ-овқат хавфсизлиги тобора долзарблашаётган ҳозирги паалада муҳим аҳамиятга эга.

"FEBA" жамоаси таркибида Божхона институтининг "Data science"  гуруҳи аъзолари – институт ходимаси Маржона Муродова, курсантлар Шохжахон Шухратов ва Диёр Ибрагимов ҳамда Божхона қўмитаси ходими Дилшод Султонов қимматбаҳо компьютер қурилмалари ва махсус сертификатлар билан тақдирланишди.